Nagsimula ng kampanya si Presidential Spokesman Edwin Lacierda para hikayatin si Camarines Sur Representative Leni Robredo na maging running mate ni dating Department of Interior and Local Government (DILG) Secretary Mar Roxas.
Sa pamamagitan ito ng inilagay niyang jump shots sa kanyang Facebook page na may hashtag na #JumpWithLeni.
Hinikayat ni Lacierda ang lahat na magpakuha ng kanilang larawan habang tumatalon at ilagay rin sa kanilang Facebook page.
Una rito, kinumpirma ni Robredo na pormal na siyang inalok ni Roxas na kanyang maging running mate sa 2016 Presidential elections.
By Len Aguirre