Nangako si Senadora Leila De Lima na hindi siya mananahimik sa pagpuna at pagbatikos sa mga ginagawa ng administrasyon ni Pangulong Rodrigo Duterte.
Ito’y makaraang mapabilang si De Lima sa listahan ng Time Magazine sa isandaang pinaka – maimpluwensyang tao sa mundo kasama si Pangulong Rodrigo Duterte.
Sa ipinalabas niyang kalatas mula sa bilangguan, sinabi ni De Lima na malugod niyang tinatanggap ang nasabing parangal at nagpapasalamat siya sa iginawad sa kaniyang pagkilala.
Paliwanag pa ng Senadora, maaari niyang piliing manahimik na lamang at maki-ayon sa musika ng rehimen ngunit malinaw lamang iyong pagtataksil sa bayan, sa mga naaapi at mga mahihirap na lumalaban sa katarungan.
By: Jaymark Dagala
