Ayaw nang patulan ng Malakaniyang ang mungkahi ni Senador Antonio Trillanes na imbestigahan ang pagpapasara sa isla ng Boracay.
Ayon kay Presidential Spokesman Harry Roque, wala nang saysay ang panawagan ni Trillanes dahil si Pangulong Rodrigo Duterte na ang nagsabing ayaw nito sa pagtatayo ng casino sa loob ng isla.
Kasabay aniya ng pagpapasara sa isla sa loob ng anim na buwan, wala na rin aniyang itatayong mga bagong istraktura sa Boracay dahil gagawin na itong forested area na pagmamay-ari ng gubyerno.
Magugunitang sinabi ng Pangulo kamakailan na ipapasok niya sa land reform program ng Department of Agrarian Reform ang isla upang maipamahagi iyon sa mga mahihirap na residente ruon.