Posibleng umabot sa 19 na bagyo ang pumasok sa bansa mula ngayong buwan hanggang sa Nobyembre.
Batay sa monthly tropical forecast ng PAGASA, maaaring pumasok ang isa hanggang dalawang bagyo ngayong buwan sa bansa; tig-dalawa hanggang tig-tatlo naman sa Hulyo at Agosto; tig-dalawa hanggang apat naman sa Setyembre at Oktubre; at tig-dalawa hanggang tig-tatlo sa Nobyembre.
Sa kasalukuyan ay wala pang bagyong binabantayan ang weather state bureau sa loob ng Philippine Area of Responsibility.
Ayon sa PAGASA, sa unang linggo ng forecast period ay may posibleng tropical cyclone-like vortex na mabuo sa philippine sea ngunit mababa pa ang tyansa na ito ay maging isang bagyo.
—sa panulat ni John Riz Calata
