Inihayag ng Quezon City LGU na muli nilang i-ba-ban ang paggamit ng plastic bags at single use plastics simula sa Marso 1.
Sa isang pahayag, sinabi ni QC Mayor Joy Belmonte na napapanahon nang palakasin ng lungsod ang kanilang pagbabawal sa plastic para makatulong aniya sa inang kalikasan makapagbigay ambag sa papapababa ng mga plastic waste sa bansa.
Sang-ayon sa city ordinance 2868-2019, inatasan ng QC LGU ang mga establisyimento sa Lungsod na itigil ang pagbibigay ng mga single use plastic sa kanilang mga customer simula sa unang araw ng marso.
Mababatid na ang kautusang nagbabawal sa paggamit ng iba’t-ibang uri ng single use plastic ay pansamantalang inihinto ang pagpapatupad matapos na isailalim ang lungsod sa mahigpit na quarantine status bunsod ng COVID-19 pandemic.