Umapela ang Philippine Atmospheric Geophysical and Astronomical Services Administration (PAGASA) na seryosohin ang paghahanda sa matinding El Niño
Ayon sa PAGASA, ang Iloilo, Negros at Guimaras sa Region 6 ang kabilang sa mga lalawigan na unang makakaranas ng epekto ng El Niño kung saan ang peak nito ay inaasahang sa Disyembre hanggang sa unang apat na buwan ng taong 2016.
Bago matapos ang mga nasabing buwan, sinabi ng PAGASA na asahan na ang pagtaas ng temperatura.
Ipinabatid ng PAGASA na mas malala pa ang mararanasan ng bansa sa El Niño ngayon kumpara noong 1997 hanggang 1998.
Worst case scenario
Samantala, puspusan na ang pagkilos ng gobyerno kaugnay sa kinakaharap na matinding El Niño.
Ayon kay Presidential Adviser on Food Security and Agriculture Modernization Francis Pangilinan, pinaghahandaan na nila ang worst case scenario para matiyak pa rin ang sapat na suplay ng bigas at pagkain gayundin ay masigurong hindi tataas ang presyo ng bigas.
Isa aniya sa mga tinututukan nila ay variety ng palay na uubrang maitanim na hindi nangangailangan ng maraming tubig.
