Pangungunahan na ng Office of Civil Defense (OCD) ang contact tracing ng mga suspected at probable case ng coronavirus disease 2019 (COVID-19).
Ito ay matapos bigyan ang tanggapan ng kapangyarihan ng Inter Agency Task Force on Management of Emerging Infectious Disease (IATF-EID).
Kasunod nito inaatasan ang OCD na makipag-ugnayan sa Department of Health (DOH).
Gayundin ang pagkakaroon palitan ng impormasyon alinsunod pa rin sa umiiral na data privacy act.
Samantala, gagawin na ring mandatory ang pagbibigay ng impormasyon ng mga COVID-19 patients para mas maging madali ang mga isinasagawang contact tracing.
