Makakaranas ng pagkaantala sa suplay ng tubig ang mga konsyumer ng Manila Water sa ilang bahagi ng Rizal mula mamayang gabi hanggang Abril a-1.
Kabilang dito ang ilang bahagi ng Barangay Ampid Uno sa Bayan ng San Mateo, Barangay Tayuman, San Carlos at Tagpos sa Bayan ng Binangonan na mawawalan ng tubig mula mamayang 10 p.m hanggang 5a.m ng April 1.
Mula 11p.m hanggang 4a.m ng April 1 naman sa ilang bahagi ng Barangay Sta. Ana, Barangay San Andres, Barangay San Juan at San Isidro sa Bayan ng Cainta.
Habang ang ilang bahagi ng Barangay Dolores sa Taytay ay makararanas ng water interruption mula 12 midnight ng April 1 hanggang 5.am.
Inabisuhan naman ng Manila Water ang mga konsyumer nito na ilang minutong padaluyin ang tubig sa mga gripo hanggang sa maging malinaw ito pagkatapos na maibalik ang serbisyo. —sa panulat ni Airiam Sancho