Kinalma ng Malacañang ang publiko sa posibleng idulot na peligro ng monkeypox sa bansa.
Ayon kay Press Secretary Trixie Cruz-Angeles, nakarating na kay PBBM ang balita kaugnay sa unang kaso ng monkeypox sa bansa sa ipinatawag na special meeting kanina sa Palasyo.
Binigyang-diin ng kalihim na hindi dapat na mangamba ang publiko dahil ang monkeypox ay hindi mas malala sa COVID-19 na nakukuha sa hangin.
Aniya hindi nakamamatay ang monkeypox, subalit kailangan ang ibayong pag-iingat ng publiko at sundin ang mga paalala at pag-iingat upang makaiwas sa nasabing sakit.
Nabatid na ang pangunahing concern ng Pangulo ay magkaroon ng mas malawak na impormasyon hinggil sa monkeypox ang mamamayan, pati na rin sa mga ginagawa ng Department of Health hinggil dito.