Naaresto ng pinagsanib na puwersa ng militar at pulisya ang isang mataas na opisyal ng New People’s Army (NPA) sa bayan ng Carlos P. Garcia, lalawigan ng Bohol.
Kinilala ng Army’s 4th Infantry Battalion ang naarestong lider komunista na si Junifie Dagale na kilala rin sa mga alyas na Chang/Tanya/Habagat/Inang.
Nabatid na nahuli si Dagale sa bahay ng kamag-anak ng kaniyang asawa sa Barangay Aguinning sa nabanggit na bayan umaga nitong Huwebes, Setyembre 17.
Inaresto si Dagale sa bisa ng mandamiyento de arestsong inilabas ng Tagum City Regional Trial Court 11 Branch 1 dahil sa kasong murder o pagpatay.
Nabatid na nag-o-operate si Dagale sa Davao Region bilang miyembro ng intellegence unit ng regional operational command sa ilalim ng Southern Mindanao Regional Committee ng CPP-NPA.