Humingi ng kaunting panahon si Pangulong Rodrigo Duterte bago tuluyang lagdaan ang executive order (EO) hinggil sa smoking ban.
Ayon kay Pangulong Duterte, mayroon pang ilang detalyeng dapat plantsahin sa EO kayat kailangan ang konting panahon para pag-aralan ito.
Tinitimbang din anya ang mga pagtutol sa smoking ban maging ang posibleng kompormiso gaya ng paglalagay ng smoking areas sa loob ng gusali.
Inihayag ng Pangulo na nagmamadali na si Health Secretary Pauline Ubial na lagdaan ang EO subalit sinabi nitong iba ang Davao City sa iba pang lungsod bukod sa kailangan ding marinig ang opinyon at panig ng medical sector.
By Drew Nacino |With Report from Aileen Taliping
