Mariing itinanggi ni Sen. Bong Go ang paglutang na pagmamay-ari niya umano ang motorcycle ride hailing firm na ‘Joyride’.
Ayon kay Go hindi totoong siya ang may ari o may interes siya sa Joyride na isa sa mga bagong players.
Aniya ngayon lamang niya ito narinig.
Kasabay nito nagbabala ang Senador sa sinomang gumagamit ng kaniyang pangalan o ni Pangulong Rodrigo Duterte.
Ang Joyride ay isa sa motorcycle hailing companies na makakasama ng Angkas sa tatlong buwang pilot run para mapag-aralan kung ligtas itong ituring na public transportation.