Dapat tantanan na ng mga senador ang pagpapakalat ng tsismis at tutukan na lamang ang pagbusisi sa panukalang budget para sa susunod na taon.
Apela ito ni party-list Representative Mike Defensor sa harap ng tila ‘word war’ sa pagitan nina Senador Panfilo Lacson, Capiz Congressman Fred Castro at Cong. Luis Raymund Villafuerte.
Kaugnay ito sa alegasyon ni Lacson na mayroong tig–P700-million ang mga kongresista at tig–P1.5-billion ang mga deputy speakers sa ilalim ng panukalang 2020 national budget.
Ayon kay Defensor, sanay busisiin muna ng mga senador ang panukalang budget bago nila husgahan ang mga kongresista na naghanda nito.
Target pa lamang anya ng Kamara na maisumite sa senado ang binuo nilang 2020 budget sa October 1. — ulat ni Jill Resontoc (Patrol 7)
