Patuloy na tumataas ang presyo ng mga bulaklak sa Dangwa flower Market sa lungsod ng Maynila.
Ito’y isang linggo bago ang Valentines Day.
Ayon sa mga nagtitinda, pumalo na sa mahigit isanlibong piso ang presyo ng isang dosenang rose kumpara sa dating P500.
Hindi lamang ito dahil posible pa raw umakyat ito sa P2,000 pataas sa February 13 at sa mismong araw ng Valentine’s Day.
Habang P300 naman ang 10-set carnation at gerbera na dating nasa P180.
Tumaas naman ang presyo ng kada sampung piraso ng sunflower na nasa P100 na kung saan maaaring magtriple ito sa mga susunod na araw.
Gayunman, inaasahan ng mga flower vendor na makakabawi sila sa kita sa darating na Valentine’s Day kahit may COVID-19 pandemic pa sa bansa.