“HINDI PWEDENG MAKIALAM ANG KORTE SUPREMA AT PANGULO”
Iginiit ni dating Senate President Franklin Drilon na ang impeachment court ang may nag-iisang kapangyarihan na magpasya kung maaaring buksan at gamitin bilang ebidensya ang tax records ni Vice President Sara Duterte sa impeachment trial.
Ayon kay Drilon, malinaw sa Saligang Batas na ang impeachment court ang may **sole authority** sa mga usaping may kaugnayan sa paglilitis, kaya hindi dapat makialam ang Korte Suprema o ang Pangulo sa mga desisyon nito.
Gayunman, sinabi ni Drilon na upang maiwasan ang pagkaantala ng paglilitis at matuldukan ang mga legal na pagtutol, maaari nang maglabas ng kaukulang sertipikasyon o awtorisasyon ang Pangulo alinsunod sa Section 71 ng National Internal Revenue Code para sa pagbubukas ng tax records.
