Umaasa ang Philippine Animal Welfare Society o PAWS na matitigil na ang pagmamalupit sa mga hayop partikular sa mga aso kagaya ng naganap na Yulin Festival sa bansang China.
Ayon kay Anna Cabrera, Executive Director ng Philippine Animal Welfare Society (PAWS) bagamat may mga tradisyon ang bawat bansa, panahon na aniyang palitan ito lalo na at malupit gaya ng Yulin Festival na 600 taon nang ginagawa sa China.
Ikinatuwa rin ni Cabrera ang pagdami ng mga Chinese na kontra sa Yulin Festival practice.
Magandang senyales aniya ito na matitigil na sa mga susunod na panahon ang ginagawang pagmamalupit sa mga hayop sa China.
“Nakikita na natin the tide is turning, yung mga Chinese activist, they did an admirable thing, may mga nagharang ng trucks, may mga nag-rally, ofcourse malaki yung kalaban nila pero they are making progress, we’ll throw our support behind the Chinese activists.” Pahayag ni Cabrera
By Mariboy Ysibido | Ratsada Balita