Inihayag ng isang eksperto na mataas ang tiyansa na mahawaan ng Monkeypox virus ang ”vulnerable sectors” na kinabibilangan ng mga immunocompromised individuals mga bata, buntis, at matatanda.
Ayon kay Dr. Rontgene Solante, pinuno ng Adult Infectious Diseases sa San Lazaro Hospital, mababa lang ang overall risk na mahawaan ng sakit ang general population.
Batay aniya sa datos mula sa World Health Organization, simula noong Enero 1 ay naiulat ang 7,892 Monkeypox cases sa mga non-endemic country.
Ayon pa kay Solante, wala pang specific vaccine para sa Monkeypox ngunit maaari aniyang gamitin ang Smallpox vaccine upang mapigilan ang infection.
Gayunman, limitado aniya ang supply ng mga ito na karamihan ay ginagamit sa health workers at frontline workers na na-expose sa virus.
Sa ngayon ay wala pang natutukoy na kaso ng Monkeypox virus sa Pilipinas.