Pumanaw na ang dating pangulo ng Catholic Bishops’ Conference of the Philippines (CBCP) at retiradong arsobispo na si Angel Lagdameo.
Batay sa facebook post ng Archdiocese, dakong alas-8:30 ng umaga pumanaw ang arsobispo.
Samantala, hindi naman binanggit ang dahilan ng pagkamatay ng dating opisyal ng simbahan.
Si Lagdameo ay naordinahan bilang Pari para sa diyosesis ng Lucena noong December 19, 1964.
Hinirang ito bilang auxiliary bishop ng Cebu noong Hunyo 1980.
Nagsilbi rin siya bilang pinuno ng CBCP mula Disyembre 2005 hanggang Disyembre 2009.
At siya rin ang bise presidente ng CBCP sa loob ng dalawang termino.
