Sa bisperas ng ika-40 days mula sa pagkamatay ng mga Ateneo student-athletes na sina Rene “Bobet” Baterbonia at Divine Adili, inanunsyo ng Ateneo de Manila University na ipangalan ang dalawang bagong Blue Eagle Athletic Scholarship Funds bilang pagpupugay sa dalawang nasawing basketbolista.
Ayon kay Ateneo President, Father Roberto Yap, layunin ng mga pondo na maging daan ng paghilom para sa Ateneo community at upang panatilihing buhay ang alaala nina Baterbonia at Adili.
Magiging benepisyaryo ng Baterbonia at Adili Funds na magbigay ng tulong-pinansyal sa mga student-athlete sa labas ng Metro Manila bilang bahagi ng kanilang pagpasok sa Ateneo athletic program.
Samantala, magkakaroon ng 40th-day memorial Mass ang Ateneo ngayong araw sa ganap na alas-dose ng tanghali sa Church of the Gesu sa loob ng Ateneo campus, kung saan inaanyayahan ang mga nais magsimba na magsuot ng puti bilang pakikibahagi sa panawagan ng pakikipagkapwa-tao, paghilom, at pananagutan kasunod ng pagkamatay nina Baterbonia at Adili. | Sa panulat ni Anjo Riñon
