Tutulungan ng pamahalaan ang mahigit 1 milyong Overseas Filipino Workers o OFW’s na nanganganib na mawalan ng trabaho sa Gitnang Silangan at Timog Korea.
Ayon kay Gerry Rubio, Head ng Labor and Employment Media at External Relations Center, mayroon nang “feasible plan” ang ahensya upang magkaroon ng hanapbuhay sa bansa ang mga OFWs na mawawalan ng trabaho sa ibayong dagat.
Sinasabing umaabot na sa 10,000 OFWs ang nawalan ng trabaho sa Middle East matapos ma-retrench bunsod ng pagbagsak ng halaga ng langis.
Namemeligro ring maging jobless ang 1.5 milyong OFWs sa Saudi Arabia habang 7,000 rin sa South Korea.
Nilinaw naman ni Rubio na ang sahod ng mga OFWs na mabibigyan ng trabaho sa Pilipinas ay hindi katulad ng natatanggap nila sa ibang bansa.
Umaasa naman si DOLE Secretary Rosalinda Baldoz na magha-hire ang Seoul ng halos 500 OFWs sa Abril base sa employment permit system o EPS ng South Korea.
By Jelbert Perdez