Inanunsyo ng LoveYourself Inc. na dumating na ang bagong suplay ng antiretroviral (ARV) medicines para sa mga taong may HIV o people living with HIV (PLHIV), na mahalaga upang magpatuloy ang kanilang gamutan.
Ayon sa LoveYourself, wala nang dapat ipangamba ang kanilang mga kliyente dahil may sapat nang suplay ng gamot. Ginamit din umano nila ang naunang mga stock upang matiyak na walang mapuputulan ng treatment habang hinihintay ang pagdating ng bagong suplay.
Umaasa rin ang grupo na magsisilbi itong simula ng mas maayos at mas matatag na sistema sa pagbili at pamamahagi ng HIV medicines sa buong bansa.
Sa kasalukuyan, nasa halos 15,000 ang kanilang mga kliyenteng sumasailalim sa HIV treatment.
