Isa ang Confucius Temple sa pinakamalaking dahilan kung bakit dinarayo ng mga turista ang lungsod ng Qufu sa Shandong, China.
Bahagi ito ng UNESCO World Heritage Site kasama ang Confucius Mansion at Confucius Cemetery.
Dahil sa milyun-milyong bumibisita rito, patuloy na lumalago ang turismo at lokal na ekonomiya ng Qufu.
Nakikinabang dito ang mga hotel, restawran, souvenir shops, tour guides, at iba pang maliliit na negosyo.
Sa pagbisita ng China Walk: Discover Shandong ASEAN Media Tour, nakita ng mga delegado kung paano pinagsasama ng Confucius Temple ang kasaysayan, kultura, at turismo na nagbibigay ng kabuhayan sa mga residente at nagpapalakas sa ekonomiya ng lungsod. | via Jopel Pelenio (Patrol 17)
