Isinapubliko ng Armed Forces of the Philippines ang panig nito sa nangyaring insidente ng pananakit ng ilang miyembro ng Chinese Coast Guard sa Ayungin Shoal.
Ayon sa AFP, nilapitan ng mga kawani ng Philippine Navy mula sa BRP Sierra Madre ang isang rigid-hull inflatable boat ng Chinese Coast Guard na ilegal umanong lumapit sa naturang outpost ng bansa.
Binalaan pa ng mga Navy personnel ang mga CCG personnel na lumayo sa barko nang mapayapa, ngunit pinaghahampas ng mga CCG personnel ang mga sundalong Pilipino, na ikinasugat ng isa sa kanila sa ulo.
Gayunman, iginiit ng Sandatahang Lakas na pinairal pa rin ng mga nadamay na military personnel ang maximum restraint, propesyonalismo, at disiplina habang isinasagawa ang misyon ng mga ito. | Sa panulat ni Anjo Riñon
