Isang indikasyon na patungo sa “Landslide Victory Sa Mayo a – nwebe” ang latest pre-election survey kung saan nanguna muli ang Uniteam tandem nina dating senador Ferdinand “Bongbong” Marcos Jr. at Davao City Mayor Sara Duterte – Carpio.
Ito ang inihayag ni House Majority Leader at Lakas-Christian Muslim Democrats President Martin Romualdez matapos ang inilabas na pulse asia survey na isinagawa noong Pebrero a–18 hanggang a-23.
Ayon kay Romualdez, bagaman halos dalawang buwan na lamang ang nalalabi bago ang halalan, napanatili ng kanilang mga kandidato ang mataas na puntos.
Sa kabila nito, hindi anya sila titigil sa pagpapakalat ng mensahe ng pag-asa, pagmamahal sa bayan at pagkakaisa.
Idinagdag pa ng kongresista na ang Pulse Asia Survey noong isang buwan ay patunay na napakaraming sumusuporta kay Marcos at Mayor Inday sa buong bansa.