Itinanggi ng kampo ni dating House Speaker Martin Romualdez ang pahayag ng Office of the Ombudsman na sinubukan nitong umalis ng bansa.
Ayon sa abogado ni Romualdez na si Ade Fajardo, nananatili sa Pilipinas ang dating House Speaker at handa itong humarap sa lahat ng imbestigasyon kaugnay ng flood control controversy.
Nauna nang sinabi ng Office of the Ombudsman na tinangka umanong umalis ng bansa si Romualdez sa kabila ng precautionary hold departure order na inilabas ng Sandiganbayan laban sa kanya.
Si Romualdez ay iniimbestigahan kaugnay ng mga kasong plunder, panunuhol, money laundering, at paglabag sa Anti-Graft and Corrupt Practices Act.
