Sakaling maaprubahan ng Commission on Election En Banc, maglalaan ang Comelec ng humigit-kumulang 20 milyong piso para sa karagdagang honoraria na ibibigay sa mga gurong nag-overtime sa pagsisilbi noong nagdaang halalan.
Una nang nagsumite si commissioner George Garcia ng mungkahi sa Comelec En Banc na aprubahan ang additional allowance ng mga guro at support staff na naka-assigned sa mga presintong nagka-aberya ang Vote Counting Machines (VCMs) at SD cards.
Binigyang-diin naman niya na ang lahat ng miyembro ng Comelec En Banc ay pabor sa panukalang ito.
Matatandaang nasa 640,000 na tauhan ng Department of Education (DepEd) ang nagsilbi bilang poll workers noong eleksyon.