Isusulong ni Comelec commissioner George Garcia ang isang batas na nagpapahintulot sa mga overseas Filipino na bumoto online at early voting sa mga senior citizen at Persons With Disabilities o PWDs.
Ayon kay Garcia, ito ay para hindi sila sabay na nakapila sa nakararami tulad ng media persons.
Pinag-iisipan din niya ang internet voting sa mga Pilipino abroad para makaboto nang hindi na umaalis sa pinagta-trabahuhan ng mga ito.
Una nang sinabi ni Garcia na hindi na niya papayagang mangyari ulit sa 2025 midterm polls ang mga problemang kinaharap sa nagdaang botohan tulad ng mahabang pila ng mga botante at mga aberya sa Vote Counting Machines o VCMs.