Hindi bababa sa ₱2,000 ang karagdagang honoraria na matatanggap ng poll workers sa mga presintong may depektibo at pumalyang Vote Counting Machines (VCMs) at SD cards.
Ayon kay Commission on Elections (Comelec) acting spokesperson John Rex Laudiangco, nakabinbin pa ang proposed additional honoraria para sa mga apektadong poll worker sa En Banc.
Gayunpaman, ang pinal na halaga aniya ay subject sa availability ng mga pondo.
Nilinaw naman ni Laudiangco na ito ay hindi overtime pay kundi para lamang sa mga naapektuhan ng aberya ng mga naturang makina.
