Bukas na para sa mga motorista ang bahagi ng Ninoy Aquino International Airport Expressway o NAIAX simula sa araw na ito.
Nakalaan bilang christmas lane ang bahagi ng Diosdado Macapagal Boulevard hanggang NAIA Terminal 3 hanggang Skyway para sa mga patungo sa NAIA.
Ang NAIAX ay bahagi ng halos 18 bilyong pisong Public Private Partnership Project na nakuha ng San Miguel Corporation noong 2013 na naglalayong mapabilis ang daloy ng trapiko para sa mga motoristang patungo ng NAIA.
Una nang binuksan ng Department of Transportation ang phase 2-A na nagkukunekta sa NAIA Terminal 1, 2 at 3 sa bahagi ng Skyway at Cavite Expressway o CAVITEX.
Inaasahan namang matatapos na rin ang koneksyon ng naia sa South Luzon Expressway sa unang bahagi ng 2017.
By Len Aguirre
