Nangako ng dagdag na 1.2 bilyong pisong dagdag na donasyon ang property tycoon na si Andrew Tan para sa pagpapatayo ng mga drug rehabilitation centers sa bansa.
Sa pamamagitan ng dagdag na pondo ay inaasahang dalawa pang rehabilitation centers ang maitatayo sa Visayas at Mindanao.
Ang dagdag na donasyon ay inianunsyo ni Kevin Tan, anak ni Andrew Tan at Executive Director ng Alliance Global Group Inc. o AGI matapos pirmahan ang deed of donation ng 500 bed drug rehab facility sa Taguig.
Ang pasilidad sa Taguig ang ikalawa sa donasyon ng AGI kasunod ng rehab center sa Davao.
Sa ilalim ng kasunduan, ang AGI ang magdidisenyo at magtatayo ng rehab facility samantalang ang Department of Health naman ang magpapatakbo sa operasyon nito.
By Len Aguirre
