Tiwala ang Malacañang na hindi maaapektuhan ng mga kaganapan at isyu sa Mababang Kapulungan ng Kongreso ang legislative agenda ni Pangulong Rodrigo Duterte.
Ayon kay Presidential Spokesperson Salvador Panelo, suportado ng mayorya ng mga mambabatas ang mga isinusulong na programa at proyekto ng pangulo.
Dagdag ni Panelo, magkaroon man ng pagtatalo sa loob ng Kamara hinggil sa liderato, wala pa ring magiging problema dahil mga kaalyado pa rin ito ni Pangulong Duterte.
Magugunitang nagkaroon ng biglaang rigodon sa chairmanship ng mga komite sa Kamara sa gitna ng ulat ng umano’y kudeta laban kay House Speaker Alan Peter Cayetano.
