SHOWBIZ

ILANG TOURISM STAKEHOLDER, DUDA SA PAGIGING TOURISM AMBASSADOR NG BINI

Duda ang ilang tourism stakeholder sa pagtatalaga ng Department of Tourism sa Ppop Group na Bini bilang isa sa dalawa nitong tourism ambassador.

Nabatid na pinangalanan ni acting tourism Secretary Bernadita Angara-Mathay ang naturang girl group matapos ang career highlight nito na makapagtanghal sa Coachella Music Festival sa Estados Unidos.

Wala pang sinasabi ang kagawaran kung sino ang ikalawang PPOP group na gagawin nitong tourism ambassador; ngunit marami rin ang nagsasabing posibleng pangalanan ang SB19 bilang ikalawang grupo.

Ayon sa ilan sa mga beterano sa industriya ng turismo, pumalya ang DOT sa kampanya nito sa amerikanong aktres na si Vanessa Hudgens matapos nitong mabigong maparami ang mga bumibisitang dayuhan sa bansa.

Giit pa ilan sa kanila, wala pa ang Bini sa lebel ng Kpop Superstar Boy Band na BTS, kaya baka mahirapan lang ang dot na mamuhunan sa kasikatan ng tinaguriang “nation’s girl group.” | sa panulat ni Anjo Riñon

July 6, 2026 0 comment

ENTERTAINMENT SHOWBIZ

Taylor Swift at Travis Kelce, kasal na?

written by DWIZ 882

Kasado na ang kasal nina superstar singer Taylor Swift at ang kanyang soon-to-be mister na si Travis Kelce.

Batay sa impormasyong ibinahagi ng mga otoridad sa The Associated Press, gaganapin ang kasalang Kelce-Swift sa Madison Square Garden sa New York City bukas ng umaga, oras sa Pilipinas.

Kasalukuyan namang nagaganap sa mga oras na ito ang isang rehearsal dinner para sa mga opisyal na bisita nina Taylor at Travis.

Nauna nang naging spekulasyon na magaganap ang kasalan sa pagitan ng singer at atleta sa Independence Day weekend sa Estados Unidos.

Maging si New York City Mayor Zohran Mamdani ay tikom ang bibig tungkol sa gaganaping kasalan, ngunit nagpasaring sa social media ng mga tips sa publiko kung paano manatiling presko sa kalagitnaan ng isang heat wave, lalo na aniya kung may magaganap na kasalan sa Madison Square Garden ngayong weekend.

Samantala, may ulat naman ang showbiz news outlet na Page Six na ikinasal na sina Taylor at Travis sa isang pribadong seremonya, at posibleng post-wedding celebration ang event sa naturang stadium sa New York. | Sa panulat ni Anjo Riñon

July 3, 2026 0 comment

ENTERTAINMENT SHOWBIZ

European leg ng world tour ng BINI, ipinagpaliban

written by DWIZ 882

Ipinagpaliban ng P-pop girl group na BINI ang European leg ng kanilang “Signals” World Tour dahil sa “unforeseen circumstances.”

Bagaman hindi itinukoy ng management ng BINI, matatandaang nananalasa ang isang heat wave sa ilang bansa sa Europa, tulad sa France, kung saan mahigit isanlibong katao na ang namatay.

Dahil dito, humingi ng paumanhin ang naturang grupo sa mga “Blooms,” na bansag sa mga fan nito.

Dagdag pa ng BINI, nais pa rin nilang ituloy ang European leg ng kanilang world tour, at iaanunsyo nila ito sa lalong madaling panahon. | Sa panulat ni Anjo Riñon

July 2, 2026 0 comment

ENTERTAINMENT SHOWBIZ

Eraserheads vocalist Ely Buendia at illustrator na si Rob Cham, sanib-pwersa para sa pagdi-disensyo ng 30th anniversary edition ng album na “Fruitcake”

written by DWIZ 882

ERASERHEADS

Maagang pamasko ang hatid ng bokalista ng bandang Eraserheads na si Ely Buendia at ng graphic illustrator na si Rob Cham sa mga fans ng naturang banda.

Ito’y dahil inanunsyo ng dalawang artista ang kanilang pakikipag-kolaborasyon upang idisenyo ang limited edition merchandise bilang pagdiriwang sa ika-30 anibersaryo ng Eraserheads Christmas album na “Fruitcake.”

Ayon kay Ely, namangha siya kung paano idinesenyo ni Rob ang mga ilustrasyon para sa album; habang inamin naman ni Rob na matagal na niyang nagugustuhan ang concept album ng Eraserheads na nakasentro sa pagdiriwang ng Pasko.

Ilalabas ngayong araw ang 30th anniversary edition merch ng “Fruitcake” sa gaganaping Offshore Music Bazaar sa Makati City. — Sa panulat ni Anjo Riñon

June 26, 2026 0 comment

SHOWBIZ

Taiwanese boy band F4, naghatid ng donasyon sa mga apektado ng paglindol sa Mindanao

written by DWIZ 882

Tatlo sa mga miyembro ng Taiwanese boy band na F4 ang naghatid ng hindi bababa sa P5-milyong halaga ng tulong para sa mga naapektuhan ng magnitude 7.8 na lindol sa Katimugang Mindanao kamakailan.

Nabatid na ibinigay nina Jerry Yan, Vic Chou, at Vanness Wu ang naturang donasyon, kasama ang Taiwanese rock singer na si Ashin ng bandang Mayday.

Ginawa ito ng tatlo sa mga miyembro ng F4 bilang bahagi ng kanilang “F Forever” tour sa Philippine Arena ngayong Sabado, Hunyo 27; ngunit hindi nila makakasama ang kapwa nila miyembrong si Ken Chou.

Matatandaang nakilala ang F4, at ang yumaong Taiwanese actress na si Barbie Hsu, noong 2001 sa kanilang television series na Meteor Garden. — Sa panulat ni Anjo Riñon

June 25, 2026 0 comment

ENTERTAINMENT SHOWBIZ

ILAN SA MGA NAGWAGI SA 2026 PMPC STAR AWARDS FOR MUSIC, IPINASILIP

written by DWIZ 882

Ipinasilip na ng Philippine Movie Press Club ang partial list ng mga nagwagi sa gaganaping ika-17 PMPC Star Awards for Music sa Hunyo 25.

Kabilang sa mga paparangalan ang kantang “Salamin, Salamin” ng p-pop girl group na BINI bilang Dance Recording of the Year; “Rainbow Christmas” ni Vice Ganda bilang Christmas Song of the Year; at si Juan Karlos Labajo bilang Male Acoustic Artist of the Year.

Paparangalan din ang bandang Spongecola bilang Rock Artist of the Year; at si Kris Lawrence bilang male r&b artist of the year.

Kabilang din ang kantang “Palagi” ng mag-asawang TJ Monterde at Kz Tandingan; at ang cover ni Khel Pangilinan ng kantang “Ipagpatawad Mo” sa mga paparangalan ng PMPC ngayong taon.

Pinarangalan din bilang Inspirational Song of the Year ang himnong “Ningas ng Pag-asa” ni Jamie Rivera, na tagalog version ng opisyal na Himno ng Simbahang Katolika para sa 2025 Jubilee Year nito.

Pinakilala na rin sina Jayda Avanzado, Dylan Menor, Jarren Garcia, at Marthena Jickain bilang mga host ng naturang gabi ng parangal.

Ilan naman sa mga magtatanghal sa nasabing event sina Sam Concepcion, Moira Dela Torre, at ang rap group na salbakuta. — sa panulat ni Anjo Riñon

June 23, 2026 0 comment

ENTERTAINMENT SHOWBIZ

Pinoy series na “The Silent Noise,” wagi sa 2026 Global OTT Awards

written by DWIZ 882

SILENT

Pinoy series na “The Silent Noise,” wagi sa 2026 Global OTT Awards!

Nagiwagi ang Filipino series na “The Silent Noise” bilang Best Asian Content sa ginanap na 2026 Global Over-The-Top Awards sa South Korea.

Nabatid na tinalo ng “The Silent Noise” ang iba pang mga serye mula sa Thailand, Japan, Taiwan, at China.

Tinanggap naman ng direktor nitong si Onat Diaz at ng aktres na si Angelica Panganiban ang karangalan sa awards ceremony ng 2026 Global OTT Awards sa Busan noong Hunyo 20.

Samantala, naging nominee naman si Angelica Panganiban sa Best Female Lead Actor category ng patimpalak, na kalauna’y naipanalo ng Koreanang aktres na si Shin Hae-sun para sa seryeng “The Art of Sarah.” — Sa panulat ni Anjo Riñon

June 22, 2026 0 comment

SHOWBIZ

Matet de Leon, binasag na ang katahimik a gitna ng isyu ng kanilang pamilya

written by DWIZ 882

MATET DE LEON

Binasag ng aktres na si Matet de Leon ang katahimikan sa gitna ng isyu ng kanilang pamilya.

Uminit ang tensyon sa pamilya matapos magpalitan ng matitinding pahayag ang kanyang mga kapatid na sina Ian de Leon at Lotlot de Leon hinggil sa pamamahala sa legacy ng kanilang ina. Nauna nang iginiit ni Ian na naipaalam sa kanyang mga kapatid ang tungkol sa pagbuo ng One-Person Corporation (OPC) na hahawak sa mga usaping may kinalaman sa legacy ng kanilang ina na si Nora Aunor. Ngunit mariing itinanggi ni Lotlot de Leon ang naturang pahayag at pinabulaanan ang akusasyong sina Matet, Kiko, at Kenneth ay interesado sa estate ng kanilang ina. Giit niya, hindi rin sila nasabihan ukol sa OPC.

Kasunod ng palitan ng pahayag ng kaniyang mga kapatid, nag-upload si Matet de Leon ng TikTok video kung saan siya ay nagla-lip sync sa kantang “Banal Na Aso, Santong Kabayo” ng Yano. Bagama’t hindi niya direktang sinabi kung may kaugnayan ito sa isyu ng kanilang pamilya, umani ito ng atensyon mula sa netizens na agad nagkomento at nagbigay ng kani-kanilang opinyon tungkol sa patuloy na kontrobersya.

Isang netizen ang nagkomento na sana ay matapos na ang isyu at maresolba na lamang ito nang pribado, sa halip na patuloy na pag-usapan sa publiko.

“Kami ba ang ggo? O ang mga tao?” she wrote. “Nananahimik kami. Mana ng mana. Nakaka suka naaaaaaa! Wala kami ire resolve. Ayoko mag resolve. Manahimik na lang mga kp*l na nagco comment na akala eh alam lahat. Ok na yun. Wala akong pakialam kay Ian,” reply ng aktres.

Gayunman, hindi itinago ni Matet de Leon ang kanyang pagkadismaya at iginiit na kahit pinipili nilang manahimik ng kanyang mga kapatid, patuloy pa ring lumalabas sa publiko ang usapin tungkol sa mana. Ayon sa kanya, nakakapagod na rin ang sitwasyon, lalo na’t maraming tao ang nagbibigay ng opinyon kahit hindi alam ang buong detalye ng kanilang pinagdaraanan bilang pamilya.

June 21, 2026 0 comment

Newer Posts

Older Posts