Naghain na ng petisyon ang singer na si Claudia Barretto para legal na ipatanggal ang apelyido ng kanyang ama, ang aktor at komedyante na si Dennis Padilla o si Dennis Esteban Dominguez Baldivia sa totoong buhay.
Sa isang instagram post, ibinahagi ni Dennis ang kopya ng dokumento kung saan makikita ang petisyon ni Claudia para baguhin ang pangalan mula Claudia Isabelle Barretto Baldivia sa Claudia Isabelle Barretto.
Bagaman nalulungkot, sinabi ng aktor na hindi naman magbabago ang kanyang pagmamahal para sa kanyang mga anak.
Matatandaang sinubukan na ring ipatanggal ng kapatid ni Claudia na si Julia Barretto ang apelyido ni Dennis noong 2014 ngunit binawi niya rin ito.
Magugunita rin noong Abril 2025, ipinahayag ng komedyante ang pagkadismaya sa kasal ni Claudia sa businessman na si Basti Lorenzo dahil sa umano’y pagtrato sa kanya bilang bisita sa halip na ama ng bride. – mula sa panulat Reianne Antiquina
