Tatlo sa mga miyembro ng Taiwanese boy band na F4 ang naghatid ng hindi bababa sa P5-milyong halaga ng tulong para sa mga naapektuhan ng magnitude 7.8 na lindol sa Katimugang Mindanao kamakailan.
Nabatid na ibinigay nina Jerry Yan, Vic Chou, at Vanness Wu ang naturang donasyon, kasama ang Taiwanese rock singer na si Ashin ng bandang Mayday.
Ginawa ito ng tatlo sa mga miyembro ng F4 bilang bahagi ng kanilang “F Forever” tour sa Philippine Arena ngayong Sabado, Hunyo 27; ngunit hindi nila makakasama ang kapwa nila miyembrong si Ken Chou.
Matatandaang nakilala ang F4, at ang yumaong Taiwanese actress na si Barbie Hsu, noong 2001 sa kanilang television series na Meteor Garden. — Sa panulat ni Anjo Riñon
