Umabot na sa 1,275 school-related incidents na kinasasangkutan ng mga Children in Conflict with the Law ang naitala ng Philippine National Police sa buong bansa mula 2022 hanggang 2025.
Batay sa datos ng Women and Children Protection Center, pinakamaraming kaso ang naitala noong 2023 na may tatlundaang at siyamnapu’t limang insidente.
Sinundan ito ng 345 kaso noong 2024, 325 noong 2025, at 210 noong 2022.
Ayon sa PNP, iba’t ibang hakbang ang isinagawa upang tugunan ang mga kasong ito, kabilang ang mga legal, panlipunan, at programang nakabatay sa komunidad.
Kasunod ng pangamba ng publiko matapos ang naganap na pamamaril sa isang paaralan sa Tacloban City na kinasangkutan ng mga menor de edad, iginiit ng PNP ang kahalagahan ng isang balanseng pagtingin sa usapin.
Ayon sa pulisya, dapat pagsabayin ang pananagutan, pag-iwas sa krimen, maagap na interbensyon, at pangangalaga sa karapatan ng mga bata habang tinitiyak ang kaligtasan sa mga paaralan. — Sa panulat ni Daniela De Guzman
