NATIONAL NEWS

Kabuuang 4,679 new COVID-19 cases ang naitala ng Department of Health (DOH) kahapon dahilan upang pumalo na sa 3, 827, 758 ang bilang ng mga nahawaan sa buong bansa.

Ito na ang ikatlong magkakasunod na araw na nakapagtala ng mahigit 4, 500  new cases ang DOH.

Kaugnay nito, umakyat sa 40, 324 ang aktibong kaso mula sa 40, 315 cases noong nakalipas na Biyernes.

Base sa datos ng ahensya, 16 na magkakasunod na araw nang pumapalo sa mahigit 30, 000 ang naitatala nilang active cases.

Sa National Capital Region (NCR) umabot sa 15, 843 ang new cases sa nakalipas na dalawang linggo, na sinundan ng CALABARZON na mayroong – 10, 052, Central Luzon – 5, 212, Western Visayas – 2, 873, at Cagayan Valley na may naitalang 2, 236 new COVID-19 cases.

Samantala, nadagdagan ng 4, 617 ang mga nakarekober, kayat umakyat na sa 3, 726, 442 ang kabuuang bilang ng mga gumaling mula sa sakit.

Sumipa naman sa 60, 992 ang mga nasawi dahil sa COVID-19 makaraang makapagtala ng 48 new deaths ang DOH.

Nag-alay ng matatamis na awitin sina Zia at Ziggy para sa kanilang inang si Marian Rivera, na nagdiriwang ng kanyang ika-38 kaarawan.

Ginawa ito ng magkapatid upang maipakita ang labis na pagmamahal sa ina.

Nagsilbi namang floral o bulaklak ang tema ng naging birthday celebration ng aktres na isinagawa sa Lunsod ng Parañaque.

Inawit ni Zia ang kantang may pamagat na “Kahit Maputi na ang Buhok Ko,” habang “Can’t Help Falling in Love” naman ang inalay na awitin ni Sixto, na pawang hinangaan ng mga dumalo.

Prayoridad ng Overseas Workers Welfare Administration (OWWA) ang kapakanan ng mga Overseas Filipino Workers (OFWs).

Sa panayam ng DWIZ, sinabi ni OWWA administrator Arnell Ignacio na iniutos ni Department of Migrant Workers (DMW) secretary Susan “Toots” Ople na gawing tahanan o santuwaryo ng mga OFW ang ahensya.

Ito aniya ay upang maiparamdam ang pag-welcome o sinseridad at pag-aalaga sa mga naturang indibidwal.

”Ano eh Sincerity, sincerity na itatranslate natin sa mararamdaman nila…dun palang kapag naramadaman na nila ‘yon in agreed percentage of your problem na -admit mo na kasi very emotional ito so kailangan yung approach mo magcommunicate ka doon sa linya ng kanilang emosyon..”

Giit pa ni Ignacio na dapat din nilang alagaaan ang kanilang mga tauhan.

”kailangan din yung aming mga tauhan ay aming maalagaan caring for the carer, the care that they will receive will be translate to the..trasmit to the clients that we are servicing, kailangan kasi masaya rin yung tauhan namin e..” -OWWA administrator Arnell Ignacio sa panayam ng DWIZ

Paiigtingin pa ng Department of Science and Technology (DOST) ang economic development, food security at health sector sa bansa.

Sa panayam ng DWIZ, sinabi ni DOST Secretary Renato Solidum Jr. na ito ay sa pamamagitan ng pag-maximize ng mga effort ng scientists sa ilang ahensya ng kagawaran para mapalakas ang food security at self-sufficiency sa bansa.

Mandato rin aniya ng dost na maging gabay sa economic development ng bansa sa pamamagitan ng pagpapaigting ng job creation at productivity increase ng mga industriya na kanilang tinutulungan.

Dagdag pa ni Solidum, hindi imposibleng magkaroon muli ng iba pang pandemic sa bansa kaya’t magtatayo ang kagawaran ng Virology and Vaccine Institute of the Philippines, na gaya nabanggit sa State of the Nation Address (SONA) ni Pangulong Ferdinand Marcos Jr.

Samantala, plano ni Solidum na dagdagan ng entrepreneurship skills ang mga siyentista at engineers para ma-convert ang kanilang kaalaman sa livelihood.

Inihayag ng SM Foundation Inc. na layon ng Felicidad T. Sy Wellness Centers na magbigay ng therapeutic environment o nakapagpapasayang ambience sa loob ng mga government hospitals o health centers.

Sa panayam ng DWIZ, sinabi ni SMFI Health and Medical Programs Executive Director Ms. Connie Angeles na inumpisahan nila ito sa mga neonatal wards at Intensive Care Units (ICU) para hindi matakot ang mga bata.

”takot sila e, takot silang magpacheck-up hindi sila comfortable dahil puti yung mga atmosphere, puti yung mga dingding, puti ang mga doctor..na nakasuot ng puti, so takot sila naisip tuloy namin na gawing makulay at magkaroon therapeutic o nakakapagpasayang ambiance ang mga ospital inumpisahan namin ito simula pediatric ward, sa mga neonatal intensive care units ng sa ganon para bang maging masaya yung mga bata kapag nagpapacheck-up sila at palagi nilang nilo-look forward ang pagpunta doon sa mga centers na ito” — SMFI Health and Medical Programs, executive director Ms. Connie Angeles

Sinabi naman ni SMFI Health Center Projects Senior Project Manager Mr. Albert Uy na umiikot sila para maghanap ng mga pasilidad na maaaring maging benepisyaryo ng Wellness Center.

”ang SM Foundation po ay umiikot sir, umiikot po tayo para makita natin yung mga rightful beneficiaries po na pwede natin tulungan na mga facilities po, itong mga health facilities po na ito ay mga random po o yung mga luma pong facilities pero patuloy po nilang ginagamit…kumbaga kahit po ganoon yung kondisyon ay ginagamit pa rin po nila para po makapagbigay ng serbisyo..tinutulungan po natin sila para kahit papaano yung serbisyong ibinibigay nila ay maayos naman po…” — SMFI Senior Project Manager Mr. Albert Uy.

Bukod aniya sa pagsasaayos ng mga health facilities ay nagbibigay din ng gamit ang SMFI tulad ng basic medical equipment.

”maliban po sa pagsasaayos ng health facilities natin ang SM Foundation po ay nagbibigay rin ng mga kinakailangang gamit sa loob po ng health center kasama po rito yung appliances, nagbibigay rin po tayo ng  mga furnitures at ang importante po ay nabibigyan natin sila ng basic medical equipment para po ‘pag nagbigay sila ng serbisyo sa komunidad ay mabigay po nila ng todo-todo” — SMFI Senior Project Manager Mr. Albert Uy.

Naglalayong magbigay ng Therapeutic Environment ang Felicidad T. Sy Wellness Centers sa mga government hospital o mga health center upang matugunan ang pangangailangang pangkalusugan ng mga pasyente.

Ito rin ay upang mabigyan ng serbisyong pangkalusugan ang ilang sektor ng kumunidad tulad ng mga bata, matanda, may malulubhang sakit, sundalo, at mga Person With Disability (PWD).

Layon din nasabing wellness centers na tulungan ang mga community health facilities na maging PhilHealth accredited, mapabuti ang mga pasilidad nito at magbigay ng mga pangunahing kagamitan tulad ng

• Weighing scale para sa mga sanggol at matanda
• Examination table
• Dressing carriage, nebulizer machine at iba pa.

Pinalawig din ng Felicidad T. Sy Wellness Centers ang serbisyo sa Armed Forces of the Philippines (AFP) at Philippine National Police (PNP) sa pamamagitan ng pagrerenovate at pagpapabuti ng mga health facilites nito.

Nakatutulong din ang nabanggit na wellness center sa pag-decongest ng mga ospital sa mga pasyenteng may minor illness na maaring tugunan sa health center level na kung saan ito ay magbibigay daan sa mga ospital upang maituon ang pokus sa secondary at tertiary cases.

Sa ngayon, nasa 178 branches na ang Felicidad T. Sy Wellness Center na mayroong 62 pediatric and neonatal wards, 13 wellness centers for elderly, 38 AFP military health facilities, 4 PNP health facilities, at 56 community health centers at may limang special projects mula sa Leyte, Manila, Batangas, at Parañaque.

Nananawagan ang mga producer ng baboy at manok sa gobyerno na balansehin ang pagpapaigting ng lokal na produksyon at importasyon ng mga suplay para matiyak na hindi maaapektuhan ang mga stakeholder sa sektor ng agrikultura.

Ayon kay National Federation of Hog Farmers Incorporated President Chester Tan, sa kanilang pagpupulong kasama si Pangulong Ferdinand Marcos Jr. ay napagsang-ayunan nito na mag-organisa ng isang grupo kasama ang Department of Agriculture at private sektor para talakayin ang demand at suplay ng nasabing produkto.

Paliwanag niya, hindi tutol ang kanilang grupo sa pag-aangkat ngunit dapat aniyang maging makatwiran ang dami nito para magbigay daan sa mga magsasaka na kumita pa rin.

Giit naman ng Philippine Rural Reconstruction Movement (PRRM) na ang pagbaba ng mga taripa at pagtaas ng import volume para sa iba’t ibang mga bilihin ay dapat magpababa ng mga presyo at makapagpabagal sa inflation.