Inilarawan ni Senator Ping Lacson bilang maagang pangangampanya para sa 2028 elections ang mga pahayag na maiuugnay ang impeachment trial ni Vice President Sara Duterte sa imbestigasyon sa flood control projects.
Ayon sa senador, nauunawaan nila ang ganitong mga pahayag kaya pinili na lamang ng Senate majority na huwag na itong patulan.
Iginiit din ni Lacson na magpapatuloy ang imbestigasyon ng Senado sa isyu ng flood control projects.
Ang pahayag ay kasunod ng sinabi ni Senator Alan Peter Cayetano na hindi dapat mapatigil ng impeachment proceedings ang naturang imbestigasyon.
“Hayaan na lang natin silang mangampanya. Hindi talaga made-derail yan. Given naman yan, sinasabi lang yan, alam mo kasi may mga kasamahan kami na tatakbo sa 2028. Naunawaan namin ang kanilang mga Facebook Live, kanilang social media, kanilang interview sa media” — Lacson
