Pabor si Senator JV Ejercito na repasuhin ang edad ng mga batang maaaring managot sa krimen sa ilalim ng Juvenile Justice Act.
Ayon kay Ejercito, ginagamit umano ng mga sindikato ang mga menor de edad dahil alam nilang hindi agad sila napaparusahan.
Dahil dito, sinabi ng senador na dapat pag-aralan kung ano ang tamang edad ng discernment o pananagutan ng isang bata sa ilalim ng batas.
“Siguro po. Noong mayor ako problema ko talaga ‘yan eh. Mga teenager, mga bata dahil hindi pwedeng ikulong, walang certainty of punishment eh ginagamit sila ng mga sindikato. ‘Pag nahuhuli nga naming yang mga ‘yan, nagnanakaw ng kable… ready na yung birth certificate. Ako po pabor na rebyuhin itong age ng criminal liability ng mga bata” — Ejercito
