Kinilala ang Pilipinas bilang isa sa mga bansang may pinakamahinang rekord ng karapatang pantao sa buong mundo matapos makatanggap ng mababang marka sa kalidad ng buhay at proteksyon mula sa pang-aabuso ng pamahalaan.
Ayon sa pag-aaral ng Human Rights Measurement Initiative 2026, umabot lamang sa seventy-four point nine percent ang quality of life sa bansa.
Nakapagtala rin ang Pilipinas ng seventy-two point five percent na kabuuang marka, mas mababa ito kumpara sa global benchmark na seventy-five percent.
Paliwanag ng H.R.M.I., naging malubha ang kalagayan ng bansa dahil sa epekto ng krisis sa ekonomiya, giyera, kalamidad, at karahasan sa politika.
Dagdag pa ng New Zealand-based rights tracker, higit na mas mababa ang quality of life rights sa Pilipinas kumpara sa average ng iba pang mga bansa sa Timog-Silangang Asya. — Sa panulat ni Reianne Antiquina
