Iginiit ng House Prosecution Team na hindi pa rin direktang sinasagot ng kampo ni Vice President Sara Duterte ang mga alegasyong nakasaad sa Articles of Impeachment.
Ayon kay House Prosecution Team Spokesperson Representative Zia Alonto-Adiong, nakatuon ang isinumiteng sagot ng depensa sa pagkuwestyon sa proseso ng impeachment, sa halip na maglatag ng mga partikular na ebidensya o paliwanag laban sa mga paratang.
Umaasa aniya ang prosecution panel na maghahain ang depensa ng mga tiyak na kontra-ebidensya sa pre-trial upang matalakay ang mga isyu sa mismong kaso.
