Iginiit ng House Prosecution Team na hindi maaaring ituring na simpleng paggamit ng ‘freedom of speech’ ang umano’y pagbabanta ni Vice President Sara Duterte laban kina Pangulong Ferdinand Marcos Jr., First Lady Liza Marcos, at dating Speaker Martin Romualdez.
Ayon kay House Prosecution Team Spokesperson Representative Zia Alonto-Adiong, may kaakibat na pananagutan ang anumang banta, lalo na kung nagmumula sa isang mataas na opisyal ng gobyerno na may impluwensya sa publiko.
Aniya, nasa Senado na bilang impeachment court ang pagpapasya kung ang mga pahayag na ito ay maituturing na betrayal of public trust at high crimes.
