Home HOT STORIES OF THE WEEK

HOT STORIES OF THE WEEK

HEADLINESHOT STORIES OF THE WEEKNATIONAL NEWSTRENDING

TENSYON SA SENADO, PINARE-RESOLBA NA NG ISANG ABOGADO

written by DWIZ 882
cayetano-gatchalian

Naniniwala ang tinaguriang “Pinoy Street Lawyer” na si Atty. Danielito “DJ” Jimenez na dapat resolbahin ang tumitinding isyu sa loob ng Senado sa lalong madaling panahon.

Ayon kay Atty. Jimenez, magkaiba kasi ang interpretasyon ng “Cayetano Bloc” at ng “Gatchalian Bloc” sa desisyon ng Korte Suprema sa kasong “Avelino v. Cuenco” sa usapin ng dami ng mayorya sa Senado.

Kaya para sa abogado, dalawa lamang ang pwedeng mangyari para maresolba ang sigalot sa mataas na kapulungan: ang pamamagitan ng Korte Suprema; o ang paglipat ng isa o ilang senador upang maging tiyak kung alin sa mga kasalukuyang paksyon sa Senado ang mayorya.

Sa usapin naman ng flood control scandal, naniniwala si Atty. Jimenez na dapat umuwi at magsalita si dating Congressman Zaldy Co upang mapatunayan ang lahat ng kanyang ibinunyag. — sa panulat ni Anjo Riñon

June 5, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSTRENDING

CIDG: WALANG SPECIAL TREATMENT KAY ESTRADA

written by DWIZ 882
jinggoy-bjmp

Nilinaw ng CIDG-NCR na walang espesyal na pagtrato kay Sen. Jinggoy Estrada matapos lumabas ang kanyang mugshot na hindi suot nang maayos ang orange detainee shirt.

Ayon kay CIDG-NCR chief P/Col. John Guiagui, walang kasya na detainee shirt para sa senador at kinailangan nang isumite agad ang mga dokumento sa Sandiganbayan kaya wala nang oras upang maghanap ng kapalit na damit.

“‘Yung sa damit ni Sen. Jinggoy, is that may time constraint during that time kasi kailangan namin siyang i-deliver sa Sandigan Bayan dahil pinapapunta na ng Sandigan Bayan. Walang magkasya na damit sa kanya. Lahat na ng available na damit namin, pinasukat namin, hindi talaga magkasya du’n sa built ng katawan niya…

It goes to show na lahat ng proseso na dapat gawin ng mga nahuhuli ay ginawa ng CIDG. Nataon lang po na wala na talagang magkasya. Nakita nyo kung paano yung built ng katawan ni Sen. Jinggoy, wala pong magkasya and kailangan na po ‘yung mag-shot sa pag-deliver namin ng mga dokumento sa Sandigan Bayan. Wala po itong special treatment…Kaya sa susunod maghahanap na kami ng triple XL na mga damit na kasya.”

June 5, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWS

SEN. ERWIN TULFO, WALANG PLANONG TUMAKBO BILANG BISE PRESIDENTE

written by DWIZ 882
tulfo

Iginiit ni Senate Blue Ribbon chair Sen. Erwin Tulfo na handa siyang harapin ang mga alegasyong ibinabato laban sa kanya, kabilang ang umano’y pagtanggap ng maletang may lamang pera at pagkakasangkot sa human trafficking.

“Ito pong mga nangyayaring ito hindi na po ako nagtataka […] nakahanda naman po ako — itong mga maleta, ngayon nadagdagan [ng] human trafficking,” ani Tulfo.

Ayon sa senador, inaasahan pa niyang madaragdagan ang mga alegasyon lalo na matapos maiugnay ang kanyang pangalan sa usaping pagtakbo umano bilang bise presidente.

“Inaasahan ko na po ang iba pang mga kaso sa mga darating na panahon dahil lumabas na naman ‘yung pangalan ko na tatakbo bilang Vice President […] kaya nga sinabihan ko ang kapatid ko, ‘maghinay-hinay at sabihin na talaga natin na wala naman talaga tayong plano parang-awa niyo na,'” pahayag ni Tulfo.

Ito ang naging pahayag ni Sen. Erwin Tulfo sa programang Asintado Ciento Por Ciento sa DWIZ matapos maging matunog ang kanyang pangalan sa diumano’y planong pagtakbo bilang Bise Presidente.

June 5, 2026 0 comment
0 Facebook Twitter Google + Pinterest
HOT STORIES OF THE WEEKNEWS

CEBU PACIFIC MAGBUBUKAS NG DIRECT MANILA TO RIYADH FLIGHTS SA MARCH 2026

written by DWIZ 882
CEBU PAC

Inanunsyo ng Cebu Pacific na maglulunsad ito ng direct flights mula Manila patungong Riyadh simula March 1, 2026, para mabigyan ang mga OFW sa Saudi Arabia ng mas affordable at convenient travel options. Apat na beses kada linggo ang flights—Manila to Riyadh tuwing Monday, Wednesday, Friday, at Sunday, habang Riyadh to Manila naman tuwing Monday, Tuesday, Thursday, at Saturday.

Ayon kay Cebu Pacific President Xander Lao, layunin ng bagong ruta na kilalanin ang sakripisyo ng mga OFW at gawing mas madali at mas mura ang kanilang pag-uwi. Inaasahang makakatipid ang mga pasahero ng hanggang 57% sa roundtrip fares kumpara sa ibang travel options.

Magkakaroon din ng special seat sale mula December 9 to 13, kung saan maaaring makakuha ng one-way base fare na as low as P1 (exclusive of fees) para sa biyahe mula March 1 hanggang October 28, 2026. May discounts din sa fare bundles hanggang December 31.

Ang Riyadh ang magiging ikaapat na long-haul destination ng Cebu Pacific, kasunod ng Dubai, Sydney, at Melbourne, sa patuloy nitong expansion ng international network sa Asia, Australia, at Middle East.

December 11, 2025 0 comment
0 Facebook Twitter Google + Pinterest
HEADLINESHOT STORIES OF THE WEEKRONDA PROBINSYA

BATANGAS CITY GRAND TERMINAL, HANDA NA PARA SA UNDAS 2025; TINITIYAK ANG MAAYOS NA BIYAHE

written by DWIZ 882
GRAND TERMINAL

Bilang paghahanda sa inaasahang pagdagsa ng mga pasahero ngayong Undas 2025, ipinatupad ng Batangas City Grand Terminal ang mga pangunahing hakbang upang masiguro ang ligtas, komportable, at maayos na pagbiyahe para sa lahat ng pasahero.

Sa karaniwang araw, humihigit sa 10,000 pasahero ang dumaraan sa terminal. Sa Undas, inaasahang tataas ito sa humigit-kumulang 17,000 pasahero bawat araw. Upang pamahalaan ang inaasahang dami, nagdagdag ang terminal ng mga karagdagang hakbang sa crowd control, mga tauhang panseguridad, at public assistance desks sa buong terminal.GRAND 3 GRAND 2

Matagumpay ding ipinatupad ng terminal ang mga rekomendasyon ng Department of Transportation (DOTr) matapos ang inspeksyon na pinangunahan ni Acting Secretary Giovanni Lopez noong Oktubre 27, 2025. Kabilang sa mga hakbang na ito ang dagdag na upuan, karagdagang electric fans, at pag-set up ng waiting area para sa mga Persons with Disabilities (PWDs).

Batay sa obserbasyon ng pang-araw-araw na operasyon, bihira lamang mapuno ang mga waiting area, at maayos ang daloy ng pasahero kahit sa peak hours. Ang pagbiyahe sa terminal ay “come and go” dahil sa sapat na dami ng bus at jeep na tuloy-tuloy ang pagdating at pag-alis. Ang regular na koordinasyon at monitoring, kasama ang madalas na pagpupulong sa mga transport operator, ay nakatutulong upang maiwasan ang pagkaantala at pagsisikip.

Katuwang ng terminal ngayong Undas ang Local Government Unit ng Batangas City at iba pang government agencies tulad ng Philippine National Police (PNP), Philippine Red Cross, at Barangay Alangilan Council upang masiguro ang maayos at ligtas na pagdaloy ng pasahero.

October 30, 2025 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWS

UP DILIMAN USC CHAIR, PINADALHAN NG SUBPOENA NG PNP DAHIL SA PAGLAHOK SA KILOS-PROTESTA

written by DWIZ 882
UP LEADER

Pinadalhan ng subpoena ng Philippine National Police (PNP) si Joaquin Buenaflor, chairperson ng University Student Council (USC) ng UP Diliman, kahapon, Miyerkules ng umaga, ayon sa UP Office of the Student Regent.

Tatlong pulis umano ang nagtungo sa bahay ni Buenaflor bandang alas-9 ng umaga habang siya ay nasa kampus ng UP Diliman. Tumanggi umanong tanggapin ng kanyang tiyo ang naturang dokumento. Ayon sa ulat, may kaugnayan ang subpoena sa ginampanang papel ni Buenaflor bilang organizer ng mga protesta laban sa korupsiyon, kabilang ang mobilisasyon sa Mendiola noong Setyembre 21.

Ipinabatid kay Buenaflor na maaaring maglabas ng warrant of arrest kung hindi siya sisipot upang magbigay ng pahayag. Siya ang ikaapat na student leader at unang mula sa UP na ipinatawag kaugnay ng mga nasabing kilos-protesta, kasama ang mga student leader mula sa PUP at De La Salle–College of St. Benilde.

Ayon sa Criminal Investigation and Detection Group (CIDG) ng PNP, maaari pa silang magpatawag ng mahigit 20 katao na umano’y sangkot sa bakbakan sa Mendiola sa pagitan ng mga raliyista at mga pulis.

Mariing kinondena ng student organizations, kabilang ang KASAMA sa UP, ang subpoena at sinabing walang basehan at isang anyo ng pananakot laban sa mga aktibistang kabataan.

Nakatakdang humarap si Buenaflor sa publiko sa isang press conference ngayong Huwebes, alas-11 ng umaga, sa lobby ng Vinzons Hall sa UP Diliman.

October 23, 2025 0 comment
1 Facebook Twitter Google + Pinterest
HEADLINESHOT STORIES OF THE WEEKINTERNATIONAL NEWSNATIONAL NEWS

PRESYO NG LANGIS BUMAGSAK NG 7% MATAPOS ANG PAG-ATAKE NG IRAN SA BASE NG U.S.

written by DWIZ 882
IRAN STRIKE US BASE

Bumaba ng higit 7% ang presyo ng langis noong Lunes matapos bombahin ng Iran ang isang base militar ng U.S. sa Qatar. Wala namang naiulat na nasawi, kaya’t umasa ang mga mamumuhunan na hindi na lalala pa ang tensyon sa Middle East. Ang presyo ng U.S. crude ay bumagsak sa $68.51, habang ang Brent ay naging $71.48—pinakamababa mula nang atakihin ng Israel ang Iran noong Hunyo 13.

Ayon sa Iran, ang kanilang pag-atake ay tugon sa mga naunang strike ng U.S. sa mga nuclear facility nito. Naharang naman ng Qatar ang mga misile gamit ang kanilang depensa. Sa kabila ng gulo, ipinapakita ng pagbagsak ng presyo na umaasa ang merkado na humupa na ang tensyon. Nagpasalamat si Pangulong Trump sa Iran sa maagang babala tungkol sa pag-atake at nanawagan ng kapayapaan.

May pangamba pa rin na posibleng isara ng Iran ang Strait of Hormuz, isang mahalagang daanan ng langis. Ngunit wala pang konkretong hakbang dito. Binalaan ng U.S. at mga kaalyado nito ang Iran na ang pagsasara ng strait ay magdudulot ng malaking problema sa ekonomiya ng buong mundo.

June 24, 2025 0 comment
5 Facebook Twitter Google + Pinterest
HOT STORIES OF THE WEEK

Chess Master Almario Marlon Quiroz Bernardino jr., nasungkit ang gold sa 3rd Laos International Chess Open Championship 2024

written by DWIZ 882
458510851_2124617051258536_6105923521208764913_n

Napasakamay ni Filipino at United States Chess Master Almario Marlon Quiroz Bernardino Jr. ang gintong medalya sa katatapos lamang na 3rd Laos International Chess Open Championship 2024.

Bukod sa pagiging Chess Master, ang 47- taong gulang na manlalaro ay isa ring beteranong sports writer at radio commentator.

Sa ilalim ng gabay ni Coach FM Robert Suelo Jr. at sa buong suporta nina Mers Lodronio Suelo at ALC Group of Companies Chairman at CEO D. Edgard Cabangon, ipinamalas ng dating top player ng Rizal Technological University ang kanyang galing sa global stage.

Bago ito ay nagwagi rin si Bernardino sa 2nd edition ng IIEE-Bayanihan-Greenfield District Blitz Chess Tournament at sa open Rapid Chess Championship sa Arlington, USA noong 2005.

Nakuha ni Bernardino ang kanyang National Master title nang magtapos sa ika-7 pwesto sa 1998 SSS Asian Zonal Elimination round at sa kaparehong taon ang United States Chess Master title.

Nakatakda namang sumabak si Bernardino sa Singapore International Open sa November 29 hanggang December 5 gayundin sa 16th Penang Heritage City International Chess open sa December 23 hanggang 27 sa Penang, Malaysia

 

September 7, 2024 0 comment
0 Facebook Twitter Google + Pinterest
HEADLINESHOT STORIES OF THE WEEK

Apo Whang-Od, ginawaran ni PBBM ng Presidential Medal of Merit

written by DWIZ 882
021424 pbbm whang-od

Kinilala ni Pangulong Ferdinand Marcos Jr. ang kontribusyon ni Apo Whang-Od sa Philippine traditional arts sa pamamagitan ng paggawad ng Presidential Medal of Merit.

Sa idinaos na Honor Awards Program ng Civil Service Commission (CSC), pinuri ni Pangulong Marcos ang 106-year-old tattoo artist mula sa Buscalan, Kalinga na tinawag niyang “national treasure.”

Aniya, nakilala sa buong mundo ang mga gawa ni Apo Whang-Od na sumasalamin sa mayaman na kultura ng Pilipinas.

Isa sa mga pinakamataas na parangal na ibinibigay ng Pangulo ng bansa ang Presidential Medal of Merit. Kumikilala ito sa mga indibidwal na nagbigay ng mahalagang kontribusyon sa sining, literatura, agham, at entertainment.

February 15, 2024 0 comment
1 Facebook Twitter Google + Pinterest
HEADLINESHOT STORIES OF THE WEEKNATIONAL NEWS

PBBM, gumawa ng kasaysayan bilang unang head of state na nagbigay ng speech gamit ang hologram sa SFF 2023

written by DWIZ 882
pbbm hologram

Nasa Amerika man para sa 2023 APEC Summit, nakadalo pa rin si Pangulong Ferdinand Marcos Jr. sa ginanap na Singapore FinTech Festival (SFF). Ito ay sa pamamagitan ng hologram.

Si Pangulong Marcos ang pinakaunang head of state na nagbigay ng speech gamit ang hologram sa pinakamalaking financial technology event kung saan ipinakita niya ang commitment ng Pilipinas sa digital innovation.

Binigyang-diin din ng Pangulo ang kritikal na papel ng pakikipagtulungan sa domestic at international stakeholders upang maging isang digital innovation and entrepreneurship hub ang bansa.

Nagbibigay ng plataporma ang SFF sa higit na 500 exhibitors mula sa 134 na bansa kung saan pag-uusapan ang pinakabagong trends, opportunities, at challenges sa financial technology.

Nakatuon ang nasabing festival ngayong taon sa pagbuo ng Artifical Intelligence (AI) at ang posibleng paggamit nito sa industriya ng financial services.

November 16, 2023 0 comment
0 Facebook Twitter Google + Pinterest
Newer Posts
Older Posts