Pinabulaanan ni Interior Secretary Jonvic Remulla ang mga ulat na may nakabinbing warrant of arrest laban kay Sen. Rodante Marcoleta.
Ayon kay Remulla, wala umanong naisampang kaso laban sa senador at kailangan munang magkaroon ng kaso sa Sandiganbayan bago maaaring maglabas ng arrest warrant.
Sinabi naman ni Marcoleta na handa siyang sumama sa mga awtoridad kung sakaling may umiiral na warrant laban sa kanya.
Samantala, kinumpirma ng Philippine National Police (PNP) na wala silang natatanggap na anumang arrest warrant para sa senador, ayon kay PNP Public Information Office OIC Col. Allen Rae Co.
