HOT STORIES OF THE WEEK

Inaasahang muling pagtitibayin ng gaganapin na bilateral meeting nina Pangulong Ferdinand Marcos Jr. at Japanese Prime Minister Fumio Kishida ang malalim na ugnayan ng Pilipinas at Japan para sa mas pinaigting na strategic partnership.

Nakatakdang bumisita ang Japanese Prime Minister sa Pilipinas para sa kanyang two-day official visit.

Ayon sa Department of Foreign Affairs, magkikita ang dalawang lider sa Malacañang upang pag-usapan ang pulitika, seguridad, ekonomiya, at ugnayan ng mamamayan ng Pilipinas at Japan.

Kaugnay nito, sinabi ni chief cabinet Secretary Hirokazu Matsuno na nasa final stages na ang negosasyon sa pagitan ng dalawang bansa tungkol sa equipment at iba pang tulong na iaalok ng Japan sa Pilipinas.

Pinagde-desisyunan na rin kung kailan pipirmahan ang kasunduan sa ilalim ng opisyal na security assistance program na may layong tumulong sa pagpapalakas ng kakayahan ng partner countries ng Japan.

Nanawagan si Pangulong Ferdinand Marcos Jr. sa mga Pilipino na ipagdiwang ang Undas nang mataimtim at mapayapa.

Sa kanyang vlog, pinaalalahanan ng Pangulo ang mga bibisita sa sementeryo na panatilihing malinis ito at sundin ang mga patakaran.

Kaugnay nito, nagtayo ng halos 5,000 police assistance desks ang Philippine National Police sa lahat ng public cemeteries at memorial parks.

Mahigit 27,000 PNP personnel din ang ipinakalat sa bansa bilang parte ng heightened alert measures para sa Undas.

Nagtalaga rin ang Bureau of Fire Protection ng mga tauhan sa emergency medical services nito sa 66 na sementeryo sa Metro Manila.

Samantala, sinabihan ni Pangulong Marcos ang mga magbabakasyon ngayong Undas na mag-ingat.

Interesadong palakasin ng mga Japanese investor ang kanilang investments sa Pilipinas sa kabila ng patuloy na pag-angat ng ekonomiya sa ilalim ng administrasyong Marcos.

Ayon kay Ken Kobayashi, Chairman ng Japanese Chamber of Commerce and Industry o JCCI, panatag at umaangat ang ekonomiya ng Pilipinas kaya’t napupusuan ito ng kanilang mga negosyante.

Tinukoy rin ni Kobayashi ang 8-point socioeconomic agenda ni Pangulong Marcos kung saan prayoridad ang Social Security, Human Development, Investment Promotion, Digital Infrastructure at Green Economy.

Sa mga prayoridad na ito, sinabi ni Kobayashi na tiyak na tututukan ni Pangulong Marcos ang pagpapalago ng trabaho at oportunidad, kaya’t siguradong lalawak ang kooperasyon sa pagitan ng Pilipinas at Japan.

Bilang tugon, kinilala ni Pangulong Marcos ang kahalagahan ng patuloy na tulong ng Japan sa Pilipinas sa pagpapalakas ng imprastraktura at sa hamon ng makabagong teknolohiya sa pangdaigdigang ekonomiya.

Bukod sa renewable energy, digitalization at telecommunications, tiniyak din ni Pangulong Marcos na tinututukan ng kanyang administrasyon ang pagpapalakas ng agrikultura at pagresolba sa epekto ng climate change.

Sa kanyang pamumuno bilang Secretary of Agriculture, sinabi ni Pangulong Marcos sa JCCI na nagkaroon na rin ng mga paunang pagpupulong sa mga Japanese counterparts niya sa sektor ng agrikultura.

Ang JCCI ang pinakamalaking grupo ng mga negosyante sa Japan na may higit isang milyong kompanya. Binubuo ito ng mga maliliit na negosyo at malalaking korporasyon.

Hangad ni Pangulong Ferdinand Marcos Jr. ang mas pinalakas at malawak na implementasyon ng “Walang Gutom 2027: Food Stamp Program” sa susunod na taon.

Kasunod ito ng pag-apruba ng Department of Budget and Management ng budgetary requirement ng Department of Social Welfare and Development para sa pagpapalawak ng nasabing programa.

Matatandaang ibinaba ni Pangulong Marcos ang Executive Order No. 44 kamakailan na nagdedeklara sa Food Stamp Program bilang flagship program ng pamahalaan para tutukan ang kagutuman sa bansa.

Bibigyan ang programa ng working budget na aabot sa 6 billion pesos na pondo mula sa General Appropriations Act sa bisa ng EO 44 ni Pangulong Marcos.

Ayon kay DSWD Undersecretary Edu Punay, kasalukuyang nasa pilot implementation ang nasabing programa kung saan target nitong matulungan ang tatlong libong pamilya sa limang pilot sites, kabilang ang Tondo, Manila; Dapa, Siargao; San Mariano, Isabela; Garchitorena, Camarines Sur; at Parang, Maguindanao.

Tinatayang aabot naman sa 300,000 ang beneficiaries ng Food Stamp Program kapag naikasa na ang full roll out nito sa Hulyo 2024.

Sa ilalim ng Food Stamp Program, makakatanggap ng electronic benefit transfer card na may lamang 3,000 pesos ang food-poor families o mga nasa lowest income bracket na may buwanang sahod na mas mababa pa sa 8,000 pesos.

Pinatunayan ng mga magsasaka sa Negros Occidental na posibleng maibenta ng 25 pesos per kilo ang local rice. Aligned ito sa hangarin ni Pangulong Ferdinand ‘Bongbong’ Marcos Jr. na gawing mas affordable ang bigas para sa mga Pilipino.

Inilunsad ang Bigas ng Bayan program noong October 12, 2023 kung saan ibinenta ang bigas na nagkakahalaga ng 25 pesos per kilo sa Food Terminal Market sa Bacolod City.

Ang programang ito ay kolaborasyon ng Provincial Government of Negros Occidental at Federation of Irrigators’ Association of Central Negros-Bago River Irrigation System na naglalayong matulungan ang mga nangangailangang pamilya na makabili ng abot-kayang bigas. Tinitiyak din nitong magkakaroon ng sapat na kita ang mga magsasaka.

Iginiit ni Negros Occidental Governor Eugenio Jose “Bong” Lacson na magiging sustainable ang Bigas ng Bayan program dahil 44 irrigators’ associations ang nakilahok dito. Maaaring makabili ng hanggang limang kilo ang bawat mamimili.

Ayon kay Federation President Pedro Limpangog, naglaan sila ng 10% sa kanilang total production para sa mga residenteng nasa vulnerable sectors kabilang na ang senior citizens, indigents at persons with disabilities (PWDs).

Maaalala natin noong 2022 elections, sinabi ng noong presidential candidate na si BBM na hangad niyang pabababain ang presyo ng bigas mula 20 to 30 pesos per kilogram. Ngayong nakaupo na siya sa pwesto, sinabi niya noong September 19, 2023 na laging may chance ang pagkakaroon ng bente pesos per kilong bigas. Ito ay sa oras na maging stable na ang agriculture sector at production sa bansa.

Kung mapaayos ang produksyon, hindi na masyadong bagyuhin ang bansa, at gamitin ng mga magsasaka ang mga tulong na ibinigay sa kanila, malaki ang posibilidad na bumaba ang presyo ng bigas hanggang sa bente pesos.

Maraming factors sa loob at labas ng bansa na direktang nakakaapekto sa presyo ng mga bilihin, partikular na ng bigas. Dahil dito, kailangan munang mag-adjust ng gobyerno at merkado sa ngayon. Pero kapag maging normal na ang lahat, siniguro naman ni Pangulong Marcos Jr. na madali na lang para sa gobyerno na gumawa ng aksyon para mapababa lalo ang presyo ng mga bilihin.

Makikita naman sa mga aksyon ng Pangulo na ginagawa nila ang lahat para mapababa ang presyo ng mga bilihin, gaya ng pagpapatigil sa pangongolekta ng pass-through fees na naging usap-usapan sa social media. Nariyan din ang patuloy na rice distribution galing sa nakumpiskang smuggled rice at ang pamimigay ng iba’t ibang tulong sa mga magsasaka gaya ng Rice Farmers Financial Assistance Program. Sa pagpapalago ng sektor ng agrikultura gaya ng sinisikap gawin ni Pangulong Marcos Jr., papunta tayo sa pagbaba ng presyo ng mga bilihin.

Pinangunahan ni Pangulong Ferdinand ‘Bongbong’ Marcos Jr. ang inauguration ng isang state-of the-art poultry farm ng Magnolia sa Hagonoy, Davao del Sur noong October 12, 2023.

Ayon kay Pangulong Marcos Jr., tutugunan ng bagong Magnolia poultry farm ang pangangailangan ng Mindanao pagdating sa poultry supply. Sinabi niya rin dito ang plano niyang mag-invest sa modernization ng agriculture sector na sinag-ayunan naman ng netizens.

Para kay Pangulong Marcos Jr., susi sa pakikipaglaban sa kagutuman at kahirapan ang pag-iinvest sa agrikultura. Aniya, una lang ang high-tech poultry farm sa Davao del Sur sa planong 11 facilities na itatayo sa iba’t ibang bahagi ng bansa sa ilalim ng San Miguel Foods’ Poultry Megafarm Projects.

Mayroong controlled climate technology, biosecurity measures, automated feeding and watering system, air quality monitoring system, at automated harvesting system ang bagong tayong poultry farm. Sinisiguro nito ang pagkakaroon ng mas stable, sufficient, at cost-competitive supply ng manok ng bansa.

Sa pag-iinvest sa latest technological advancements sa poultry farming, mas mabilis na makakapag-produce ng healthy chickens na may premium quality. Ayon sa San Miguel Foods, makaka-produce ng up to 80 million chickens o 200 million kilos yearly ang poultry farm sa Davao del Sur. Bukod rito, makakapagbigay rin ito ng tinatayang 1,000 direct and indirect jobs para sa mga kababayan natin.

Ayon kay Pangulong Marcos Jr., nagbibigay ng mensahe ang pagpapatayo ng high-tech poultry farm sa local at international investors na kaya ng Pilipinas na magkaroon ng advanced industrial forms ng agriculture. Sinasabi man ng iba na pang-abroad lang ang ganitong klase ng teknolohiya, ngayon napatunayan sa ilalim ng administrasyong Marcos na kaya rin ito ng Pilipinas.

Sa pag-iinvest sa agrikultura, makakamit ng bansa ang goal nito pagdating sa food security.