Magpapatupad ang Bureau of Customs ng mas maikling proseso pagdating ng unang batch ng COVID-19 vaccines sa bansa.
Ayon kay Customs Spokesperson Vincent Philip Maronilla, dito nila ia-apply ang tinatawag na pre-arrival processing.
Ani Maronilla, hindi dadaan sa normal lanes ang mga kargamento at sa rampa sa tarmac tutungo ang Customs officials.
Ipo-proseso lang umano ang mga bakuna sa ramp, susuriin ang shipping documents nito at emergency use authorization at saka iti-turn over na sa logistics provider ng department of health para ipasa agad sa container kung saan ito ilalagay at ibi-byahe.
Sinabi rin ni Maronilla, na bubuksan o dadaan pa sa X-ray ang mga kargamento dahil sa sensitivity ng mga bakuna.
Una rito, ipinag-utos ni Pangulong Rodrigo Duterte sa mga opisyal ng gobyerno na huwag patagalin ang proseso pagdating ng mga bakuna sa bansa.