Mistulang inireto ni Pangulong Rodrigo Duterte ang kaniyang anak na si Sebastian “Baste” Duterte sa magagandang staff ng Cebu Pacific sa Cagayan de Oro City.
Sa kaniyang talumpati sa launching ng ika-pitong hub ng Cebu Pacific sa Lagundingan Airport noong Biyernes, nagbiro ang Pangulo na wala na siyang makita na magandang babae dahil nagtatrabaho lahat sa kumpaniyang pagmamay-ari ni Lance Gokongwei.
Nasa joking mood ang Pangulo at sinabi sa mga babae na staff ng Cebu Pacific na kapag nakita at natipuhan sila ng kaniyang anak na si Baste ay huwag itong sagutin.
Hayaan aniya ng mga ito na ligawan sila ni Baste at pabalik-balikin sa Cagayan de Oro City para kumita ang kanilang kumpaniya.
