Hindi magsasawa si Pangulong Rodrigo Duterte sa tila mala-sirang plakang pagsagot sa mga akusasyon na ang mga mahihirap lamang ang nagiging biktima ng iligal na droga sa bansa.
Sinabi ng Pangulo na laging headlines sa media ang isyu ng iligal na droga kaya’t patuloy niya itong sasagutin hangga’t ginagamit ito ng kaniyang mga kalaban para siraan siya.
Binigyang – diin ng Pangulo na walang bumibili ng shabu sa mga malalaking subdivision dahil cocaine aniya ang gamit ng mga mayayaman kaya’t tiyak na sa mga mahihirap ang bagsak nito.
Paliwanag ng Pangulo na ang mga mahihirap talaga ang target ng mga sindikato dahil sa kanila aniya madaling mabawi ang ipinuhunan ng mga ito.
