Pinagmumulta ng Philippine Competition Commission o PCC ang Grab Philippines ng 6.5 million pesos.
Ito, ayon kay PCC Chairman Arsenio Baliscan, ay makaraang magsumite ang naturang transport network company ng maling datos ng kanilang voluntary commitments.
Nakasaad sa datos ang pagtiyak ng Grab na kanilang pagagandahin ang kompetisyon sa ride hailing sector matapos nitong i-acquire ang karibal na Uber noong isang taon.
Gayunman, “inconsistent” at kulang ang impormasyong na isinumite ng Grab Philippines.
