Sinabi ni Philippine Coast Guard (PCG) spokesperson Commodore Noemie Cayabyab, iniimbestigahan na nila ang posibleng kapabayaan ng kapitan at mga crew members, partikular kung nasunod ang tamang pagpapatupad ng emergency procedures.
Iniimbestigahan na rin anya ang umano’y pagsabog sa cargo deck ng barko.
Samantala, iniulat ng Atienza Shipping Lines, ang kumpanyang nagmamay-ari ng nasabing barko, na may nakakita umano sa kapitan ng barko na si Roel Sarmiento na kasama ang iba pang nakaligtas na crewmen nang sila’y pumunta sa barangay, ngunit vine-verify pa ito ng PCG lalo’t hindi ito kabilang sa official tally ng mga nakaligtas.
Sa ngayon, sinisilip na rin ng PCG ang posibleng pananagutan ng kapitan, shipping company, at mga crew members. | Sa panulat ni Reianne Antiquina
