Arestado ang pitong suspek sa ikinasang raid sa isang hinihinalang drug den sa Marikina.
Ayon sa mga awtoridad, nakatanggap sila ng impormasyon kaugnay sa bentahan at gamitan ng iligal na droga sa isang bahay sa Barangay Nangka.
Isang alyas Mac-mac, 37 anyos ang target ng mga awtoridad at kasama sa drug watchlist ayon sa PDEA.
Inabutan din sa raid ang mga parokyano ni Mac-mac na pawang mga taga Marikina.
Nasa 20 gramo ng hinihinalang shabu ang nakumpiska sa suspek na aabot sa mahigit P130,000 ang halaga nito.
